Tovarlarni jo‘natish uchun elektron hisob-fakturani rasmiylashtirish va qabul qilish – Asl Belgisi

Elektron shakldagi hisobvaraq-faktura (EHF) - mahsulotni xarid qilish va sotish (ishni bajarish, xizmatlar ko’rsatish)ni tasdiqlaydigan hijjat hisoblanadi. EHF yordamida aylanma ishtirokchilari mahsulotni bir-birlariga beradilar. Vazirlar Mahkamasining 2019-yil 25-iyundagi 522-sonli “O’zaro hisob-kitoblar tizimida elektron shakldagi hisobvaraq-fakturalaridan foydalanishni takomillashtirish chora-tadbirlari to’g’risida”gi Qarori bilan, O’zbekiston Respublikasining barcha xo’jalik yurituvchi sub’ektlariga 2020-yil 1-yanvardan boshlab elektron shakldagi hisobvaraq-fakturalari tizimini ishlatish majburiyati yuklatildi.

2020-yil 31-dekabrdagi 833-son VQMning1-ilovasi bilan tasdiqlangan Mahsulotlarni raqamli markirovkalash qoidalariga ko‘ra, egalik huquqini o‘tkazishni nazarda tutuvchi raqamli markirovkalangan mahsulotlarni realizatsiya qilish to‘g‘risidagi ma’lumotlarni o‘z ichiga olgan, sotilgan mahsulotlarning har bir birligi uchun markirovkalash kodlari elektron hisobvaraq-fakturalarda rasmiylashtirilishi kerak.

Elektron hisobvaraq-fakturaning ERIni ro'yxatdan o'tkazish va imzolash keyingi egalik huquqini topshirish yoki mahsulotlarni sotishdan oldin amalga oshirilishi kerak. Sotilgan mahsulotning har bir birligi uchun markirovkalash kodlari to‘g‘risidagi ma’lumotlarni o‘z ichiga olgan elektron hisobvaraq-fakturani rasmiylashtirmasdan markirovkalangan mahsulotlarni sotish huquqbuzarlik hisoblanadi va qonun hujjatlariga muvofiq javobgarlikka sabab bo‘ladi.

Ushbu maqolada siz quyidagilar bilan tanishasiz:

Hisobvaraq-fakturadan foydalanish afzalliklari

Elektron shakldagi hisobvaraq-fakturalarning afzalliklari:

Hujjatlarni kontragentga darhol yetkazish;
Qog’oz hujjat aylanmasini kamaytirish;
Xarajatlarni kamaytirish;
Elektron hujjat aylanmasini himoyalash kafolati;
Buxgalteriya hujjatlarini soddalashtirish;

Barcha hisobvaraq-fakturalar himoyalangan serverlarda saqlanadi.

EHF operatorini tanlash

Elektron hisobvaraq-fakturadan foydalanish uchun operatorlar javob beradilar. Ular EHF aylanmasi va ularni saqlash bilan shug’ullanadigan, yuridik shaxs maqomiga va bunday faoliyat turi bilan shug’ullanishga ruxsatnomaga ega vositachilar hisoblanadilar.

EHF operatorlar o’rtasidagi ma’lumotlarni uzatishni rouming operatorlari bajaradilar. Bu markazlashtirilgan saqlash, ma’lumotlarni uzatish va EHF hisobini yuritishni ta’minlaydigan yuridik shaxslar hisoblanadilar.

Tanlash uchun operatorlar, shuningdek, EHF tizimi haqida kerakli ma’lumotlar, ko‘rsatmalar va savollarga javoblar bilan https://rouming.uz/ saytida tanishishingiz mumkin.

Har bir MAI mavjud EHF operatorlaridan qaysi biri unga mos kelishini mustaqil ravishda hal qiladi.

Faqat bitta rouming operatori mavjud - E-Faktura.

“E-factura” tizimi soliq organlarining elektron davlat xizmatlari portalida joylashgan soliq to‘lovchilarning shaxsiy kabinetlari orqali kontragentlar o‘rtasida elektron hisobvaraq-fakturalarni rasmiylashtirish bo‘yicha hujjat aylanishi tizimidir.

EHF qanday rasmiylashtiriladi

Mahsulotni sotishdagi hisobvaraq-fakturani rasmiylashtirish:

Xaridor elektron ishonchnomani to’ldiradi, uni ERI bilan tasdiqlaydi va yetkazib beruvchiga jo'natadi.
Yetkazib beruvchi EHFni shakllantiradi, ERI bilan tasdiqlaydi va xaridorga jo'natadi.
Xaridor ERI bilan olingan EHFni tasdiqlaydi va qaytib jo'natadi.
Xaridor EHFni tasdiqlashni rad etganida uning sabablarini ko’rsatishi kerak.

Boshqa foydali maqolalar: