EHF : Markirovka qilingan tovarni qaytarish tartibi

EHF — elektron hisob-faktura. Elektron hisob-fakturalar (EHF)ni qayta ishlash jarayonida tizim avtomatik ravishda tekshiruv o'tkazadi va aniqlangan xatolar ro‘yxatini to‘liq ko‘rsatadi.

Elektron hisob-fakturalar (EHF)ni qayta ishlash natijalari MAT «ASL BELGISI» shaxsiy kabinetidagi «Hujjatlar» → «Invoyslar» bo‘limida ko‘rib chiqish uchun mavjud.

1. Yo‘riqnomaning maqsadi

2. Qo‘shimcha minus EHF qachon qo‘llaniladi

3. Rasmiylashtirishdan oldin nimani tayyorlash kerak

4. Markirovka qilingan tovarni qaytarishning asosiy tamoyili

5. Qo‘shimcha minus EHF rasmiylashtirish bo‘yicha bosqichma-bosqich yo‘riqnoma

6. Asl Belgisi MATda qaytarishni qanday tekshirish mumkin?

1. Yo‘riqnomaning maqsadi

Markirovka qilingan tovar qaytarilganda yetkazib beruvchi xaridorga qo‘shimcha elektron hisob-faktura chiqarishi kerak. Hujjatda qaytarilayotgan tovarlar soni va ularning markirovka kodlari ko‘rsatiladi, tovar qiymati esa «minus» belgisi bilan ko‘rsatiladi. Bu qaytarish operatsiyasining soliq hisobida va raqamli markirovka tizimida to‘g‘ri aks etishini ta’minlaydi.

⚠️Muhim: qo‘shimcha EHF asl hisob-fakturaga bog‘langan holda rasmiylashtiriladi, ya’ni tovar jo‘natilgan hisob-faktura bo‘yicha.

2. Qo‘shimcha minus EHF qachon qo‘llaniladi

Qo‘shimcha EHF quyidagi hollarda rasmiylashtiriladi:

Tovarning qisman qaytarilishi (partiyadan bir necha shisha/blok)

• Tovarning to‘liq qaytarilishi

• Sifat jihatidan noto‘g‘ri yoki nosoz tovarni qaytarish

• Vaqt o‘tib qaytarish (qisman sotilishdan keyin)

• Tovarni almashtirish (shisha/bloklarni qaytarish va yangi shisha/bloklarni berish)

3. Rasmiylashtirishdan oldin nimani tayyorlash kerak

Qo‘shimcha EHF yaratishdan oldin qaytarish ma’lumotlariga ega bo‘lish kerak:

• qaytarilayotgan birliklar soni (shisha/blok)

• qaytarilayotgan qadoqlarning markirovka kodlari (shisha/blok)

4. Markirovka qilingan tovarni qaytarishning asosiy tamoyili

Qaytarish rasmiylashtirilganda qaytarilayotgan mahsulotning markirovka kodlari albatta ko‘rsatiladi. Agar tovar qismi qaytarilsa - yakka birlik (iste’mol qadoqi) kodlari (DataMatrix) ko‘rsatiladi. Agar butun agregat qadoq (blok, palet, poddon va boshqalar) qaytarilsa - agregat kod ko‘rsatiladi.

5. Qo‘shimcha minus EHF rasmiylashtirish bo‘yicha bosqichma-bosqich yo‘riqnoma

Bu yerda Didox funksionalligi misolida ko‘rib chiqamiz.

1-qadam. DIDox’ga kiring va «Hujjatlar» «Chiqishlar» bo‘limini oching. Hujjatlar ro‘yxatida jo‘natilgan hisob-fakturani toping.

2-qadam. Asl, ikki tomonlama imzolangan hisob-fakturani oching, unga qo‘shimcha hisob-faktura rasmiylashtirish kerak. «Hujjat yaratish» opsiyasini tanlang va «Qo‘shimcha SФ» variantini belgilang.

3-qadam. Hujjatning jadval qismiga tovar nomlarini kiriting, tovar miqdori va qiymatini ko‘rsating (qaytarilayotgan tovar qiymati «minus» belgisi bilan ko‘rsatiladi). Qo‘shilayotgan tovarlarga markirovka yoki agregatsion kodlarni kiriting. Zarurat bo‘lsa, qaytarilayotgan tovar pozitsiyalarini to‘ldirishingiz mumkin.

4-qadam. Kiritilgan ma’lumotlarning to‘g‘riligini tekshiring va hujjatni imzolang.

Agar bir necha shisha qaytarilsa (qisman qaytarish) - har bir qaytarilayotgan birlikning markirovka kodlarini ko‘rsatish kerak.

Agar butun quti / palet qaytarilsa, quyidagilarni ko‘rsatish mumkin:

• quti agregat kodi

• palet agregat kodi

⚠️Faqat butun agregat qadoq to‘liq qaytarilganda.

6. Asl Belgisi MATda qaytarishni qanday tekshirish mumkin?

Shaxsiy kabinetda «Hujjatlar» «Invoyslar» bo‘limiga o‘ting. Filtr maydonlariga kerakli ma’lumotlarni kiriting va hujjat turini «Qo‘shimcha» deb tanlang.

Natijada qayta ishlash holati bilan qo‘shimcha elektron hisob-fakturalar ro‘yxati ko‘rsatiladi.

Qayta ishlash holatlari haqida batafsil tushuntirishni - EHF: EHFni qayta ishlash natijalari va tizim bildirishnomalari maqolasida bilib olishingiz mumkin.