Kodlarga buyurtma berish → Qayta markirovkalash
Qayta markirovkalash «Ulgurji bo‘g‘in» va «Chakana savdo» rollariga ega bo‘lgan muomala ishtirokchilari uchun mo‘ljallangan bo‘lib, avval mahsulotga qo‘yilgan markirovka shikastlangan yoki yo‘qolgan hollarda, masalan, quyidagi vaziyatlarda qo‘llaniladi:
markirovka shikastlangan yoki o‘chib ketgan;
markirovka kodini skaner yordamida o‘qib bo‘lmaydi;
xaridor mahsulotni markirovkasiz qaytargan;
dastlabki markirovka kodi bilan mahsulotning keyingi muomalasi mumkin bo‘lmagan boshqa shunga o‘xshash hollarda.
Qayta markirovkalashda Ishlab chiqaruvchi/Import qiluvchi dastlab markirovka kodini mahsulotga to‘g‘ri qo‘ygan va uni Ulgurji bo‘g‘in/Chakana savdoga topshirgan, biroq keyingi muomala jarayonida markirovka shikastlangan yoki yo‘qolgan deb hisoblanadi.
❗️Muhim: hozirda qayta markirovkalash faqat «Suv va salqin ichimliklar» tovar guruhi uchun mavjud.
Qayta markirovkalash uchun buyurtma qilingan bitta markirovka kodining qiymati dastlabki markirovkalash uchun kod qiymatiga mos keladi va QQS hisobga olinmagan holda 68 so‘m yoki QQS hisobga olingan holda 76 so‘m 16 tiyinni tashkil etadi.
Qayta markirovkalash tartibi
Qayta markirovkalashni amalga oshirish uchun «Ulgurji bo‘g‘in» yoki «Chakana savdo» roliga ega bo‘lgan muomala ishtirokchisi quyidagilarni bajarishi kerak:
Raqamli markirovkalash Operatori bilan shartnoma tuzish
Qayta markirovkalash maqsadida markirovka kodlarini taqdim etish bo‘yicha shartnoma tuzish va «Suv va salqin ichimliklar» tovar guruhi uchun kodlarga buyurtma berish imkoniyatini olish uchun Raqamli markirovkalash Operatoriga murojaat qiling.
Shaxsiy hisobvaraqni to‘ldirish
«MK uchun to‘lov» yo‘riqnomasiga muvofiq shaxsiy hisobvaraqni to‘ldiring va mablag‘lar «ASL BELGISI» MPMT NIS shaxsiy kabinetidagi shaxsiy hisobvaraqqa tushishini kuting.
Markirovka kodlariga buyurtma berish
«Kodlarga buyurtma berish» yo‘riqnomasiga muvofiq buyurtma shakllantiring.
Buyurtmani shakllantirishda:
markirovka maqsadi sifatida «Qayta markirovkalash»ni tanlang;
yangi markirovka kodlarini olish kerak bo‘lgan mahsulotning GTIN (shtrix-kod)ini ko‘rsating;
Bunda ko‘rsatilgan GTIN:
- buyurtmani rasmiylashtirayotgan tashkilotga tegishli bo‘lmasligi mumkin;
- e’lon qilingan mahsulot tavsiflari (kartochkalari) ro‘yxatida bo‘lishi kerak.buyurtma bajarilgandan so‘ng olingan markirovka kodlarini yuklab oling.
Yangi markirovka kodlarini qo‘yish
Olingan markirovka kodlarini tegishli mahsulotlarga qo‘ying.
Qo‘yilgan markirovka haqida hisobot yuborish
«MKni qo‘yish» yo‘riqnomasiga muvofiq, mahsulotlarni chiqarish usuli sifatida «Mahsulotlarni markirovkalash»ni tanlab, qo‘yilgan markirovka haqida hisobot yuboring.
Hisobot muvaffaqiyatli qayta ishlangandan so‘ng yangi markirovka kodlari «Muomalada» holatiga o‘tadi, shundan keyin mahsulot keyingi muomalada ishtirok etishi mumkin.
Qayta markirovkalash kodlari bilan operatsiyalar
«Qayta markirovkalash» maqsadida olingan kodlar o‘z imkoniyatlariga ko‘ra «Dastlabki markirovkalash» maqsadida olingan kodlardan deyarli farq qilmaydi.
Qayta markirovkalash kodlari bilan quyidagilarni amalga oshirish mumkin:
agregatsiyani amalga oshirish;
kodlarni ASL BELGISI. Iste’molchi va ASL BELGISI. BUSINESS mobil ilovalarida tekshirish.
⚠️Cheklov: «Qayta markirovkalash» maqsadida olingan kodni AIKni shakllantirishda ishlatib bo‘lmaydi, chunki chiqarilgandan so‘ng bunday kod «Muomalada» holatiga ega bo‘ladi.
Dastlabki markirovka kodi bilan nima sodir bo‘ladi
O‘rniga «Qayta markirovkalash» maqsadida yangi kod olingan dastlabki («eski») markirovka kodi «ASL BELGISI» MPMT NISda o‘zgartirilmaydi, bekor qilinmaydi va avtomatik ravishda almashtirilmaydi.
Zarurat bo‘lsa, dastlabki kodni tashkilot qoldiqlaridan quyidagi usullardan biri orqali hisobdan chiqarish mumkin:
soliq to‘lovchining kabinetida hisobdan chiqarish dalolatnomasini yuborish orqali;
Soliq qo‘mitasi tomonidan o‘tkaziladigan qoldiqlarni navbatdagi inventarizatsiya qilish doirasida.
Sharhlar
sharhsiz qoldirish uchu tizimga kirish