Onlayn NKM va markirovkalash: markirovkalangan tovarni qanday sotish kerak? – Asl Belgisi

Majburiy markirovkalash joriy etilishi bilan markirovka qilinishi kerak bo’lgan mahsulotlarni sotish jarayonlari o’zgartirilishi kerak.

Vazirlar Mahkamasining 2020-yil 31-dekabrdagi 833-sonli qaroriga muvofiq, "Asl Belgisi" MATda raqamli markirovkaga ega bo’lgan mahsulotlarni nafaqat ishlab chiqarilishi va aylanmasi, balki markirovkalangan mahsulotlarni aniq narxlarda sotilishining ham monitoringi amalga oshiriladi.

Endi majburiy markirovkalanishi kerak bo’lgan mahsulotlarni aylanmadan chiqarish quyidagi ko’rinishga ega bo’ladi:

sotuvchi onlayn NKMga biriktirilgan texnik vositalar yordamida (skaner yoki texnik ko’rish kamerasi) skaner qiladi va markirovkalash kodini tanib oladi;
onlayn ККМ sotilgan mahsulotning chekdagi (“label” maydoni) markirovkalash kodini (mahsulot kodi va seriya raqami) yoqadi va elektron chekini FMOga yuboradi;
FMO real vaqt rejimida cheklarning kelib tushishini qayd etadi, undan keyin markirovkalangan mahsulotlarning chakana savdosi haqidagi ma’lumotlarga ega bo’lgan barcha cheklarni "Asl Belgisi" MATga beradi;
"Asl Belgisi" MAT operatori markirovkalangan mahsulotlarning chakana savdosini qayd etadi.

"Asl Belgisi" MATga faqat “label” maydoni raqami bo’sh bo’lmagan elektron fiskal hujjatlar (cheklar) beriladi. Markirovkalangan mahsulotlarni sotish uchun o’zingizning qurilmangizni qanday to’g’rilashni “Onlayn NKMni markirovkaga qanday to’g’rilash kerak” maqolasida o’qing.

Barcha NKMlarga markirovka bilan ishlashga to’g’ri keladimi?

Markirovkalangan mahsulotlar bilan ishlash uchun faqat onlayn-kassalarga (onlayn NKM) to’g’ri keladi. Internetga ulanganda bunday qurilma Fiskal ma’lumotlar operatori (FMO) orqali barcha moliyaviy operatsiyalar to’g’risidagi ma’lumotlarni nazorat qilivchi organ – soliq xizmatiga yuboradi.

Barcha yangi kassa apparatlari quyidagi texnik imkoniyatlariga ega bo’lishi kerak:

bank kartalaridan to’lovlarni qabul qilish;
apparat joylashgan manzili to’g’risida DSQga ma’lumotlar taqdim etish (kassa apparati sifatida ishlatilayotgan kartalar terminallaridan tashqari);
mahsulotlar shtrix-kodi, shuningdek, raqamli markirovkalanishi kerak bo’lgan mahsulotlarning raqamli markirovkalash kodlarni o’qish va identifikatsiyalash.

Ushbu talablarga javob bermaydigan kassa apparatlari, 2022-yil 1-yanvardan soliq organlarida ro’yxatdan o’tkazilishi to’xtatildi. 2023-yil 1-yanvar kunidan, barcha tadbirkorlar yangi reglament talablariga muvofiq bo’lmagan apparatlardan foydalanishni to’xtatishga majburdirlar.

Onlayn-kassalar reestri va ularga texnik xizmat ko’rsatadigan markazlarni (TXM) Davlat soliq qo’mitasining saytlarida topish mumkin:

Chakana savdo uchun markirovkalangan mahsulotlar bilan ishlash qachon majburiy bo’ladi?

2022-yil 1-yanvardan boshlab onlayn-kassalar va virtual kassalarda Mahsulotning yagona elektron milliy katalogiga muvofiq, sotib olingan mahsulot yoki xizmatning identifikatsion kodini aks ettirmaydigan cheklarni berish ma’n etilgan.

2022-yildan boshlab raqamli markirovkaga ega bo’lgan mahsulotlarni sotadigan tadbirkorlar, o’z kassalariga shtrix-kodlar va raqamli markirovkani o'qiydigan qurilmalariga — 2D skanerlari, ma’lumotlar to’plash terminallari va h.k.ni ulashlari kerak.

2023-yil 1-yanvarga qadar, yangi kassa apparatlari va raqamli markirovkani o’qiydigan qurilmani sotib olganlik uchun bitta qurilma uchun qilingan xarajat narxi bilan, ammo 4 barobar BHM dan ortiq bo'lmagan (1,08 mln. so’m) soliq chegirmasi ko’zda tutilgan.

Boshqa foydali maqolalar: