Onlayn NKM va markirovka: Dori vositalarini donalab realizatsiya qilish va hujjatlarni rasmiylashtirish

Mahsulotni balansga qabul qilish:

Xarid amalga oshirilganda, yetkazib beruvchi tomonidan rasmiylashtirilgan elektron hisob-fakturani (EHF) tovar bilan mosligini tekshirish zarur. Hisob-fakturadagi dori vositalari haqidagi ma'lumotlar, shuningdek, unda ko‘rsatilgan markirovka/aggregatsiya kodlari haqiqiy qabul qilingan mahsulotga to‘liq mos bo‘lishi kerak.
Shu tarzda, elektron hisob-fakturaga quyidagi ma'lumotlar kiritiladi:

• Mahsulot nomi;
• Mahsulot seriyasi;
• Amal qilish muddati;
• Ishlab chiqaruvchi;
• Markirovka/aggregatsiya kodlari.

Muhim: Agar dori vositalari majburiy markirovka boshlangan sanadan oldin ishlab chiqarilgan bo‘lsa, bunday mahsulotlar uchun markirovka talab etilmaydi.

Dori vositalarini realizatsiya qilish:

Dori vositalarining realizatsiyasi NKM qurilmalari va/yoki onlayn kassalar orqali yakuniy iste’molchiga amalga oshiriladi, bunda markirovka kodlari chekda ko‘rsatiladi. Natijada, ushbu kodlar muomaladan chiqarilgan holatga o‘tadi. Biroq, 2017-yil 6-apreldagi 185-sonli VMQga 2-ilovadagi 30-bandga muvofiq, ikkilamchi qadoq (pachka)dan bo‘lib sotish faqatgina quyidagi shart bilan amalga oshiriladi:

Asosiy (birlamchi) qadoqlanish (blister, ampula, tuba va h.k.) buzilmagan bo‘lishi kerak.

Ushbu birlamchi qadoqda quyidagi ma’lumotlar bo‘lishi lozim:

• Mahsulot nomi;
• Seriyasi;
• Amal qilish muddati;
• Ishlab chiqaruvchi.

Yakuniy iste’molchiga to‘liq yoki qisman qadoq sotilganda, quyidagi ma’lumotlarni o‘z ichiga olgan fiskal chek rasmiylashtiriladi:

• MXIK kodi;
• Shtrix-kod;
• O‘lchov birligi (masalan, "qadoq");
• Markirovka kodi.

Muhim: MXIK kodi va o‘lchov birligini to‘g‘ri bog‘lash zarur. Aks holda, noto‘g‘ri bog‘lanish sababli OFD’dan kelayotgan ma’lumotlar ASL BELGISI tizimida xato aks ettiriladi.

✅ Misol: Agar mahsulot “60 tabletkali qadoq” (pachka) sifatida kelgan bo‘lsa, va xaridor 10 tabletkani (blister) sotib olayotgan bo‘lsa, unda chekda to‘g‘ri o‘lchov birligi bilan 10 dona ko‘rsatilishi kerak. ASL BELGISI tizimi bunday sotuvni avtomatik tarzda umumiy qadoqdan foiz hisobida qisman realizatsiya deb qayd etadi.

Mahsulot realizatsiyasi (sotilishi) paytida onlayn-NKM chekida MXIK kodi va shtrix-kod bir xil bo‘lishi shart.
Markirovka kodi har bir chekda ko‘rsatilishi lozim — to tovar to‘liq realizatsiya qilinib, yakuniy hisobdan chiqarilguncha.

Oson Kassa misolida realizatsiya jarayoni ⬇️