2022 yil 2 aprel kungi Vazirlar Mahkamasining 148-son qarori “Maishiy texnika mahsulotlarini majburiy raqamli markirovka qilish tizimini joriy etish to‘g‘risida” ga muvofiq, maishiy texnikaning ayrim turlariga nisbatan identifikatsiya vositalari yordamida majburiy raqamli markirovka joriy etilgan. Bu shuni anglatadiki, tegishli turdagi maishiy texnikani ishlab chiqarish, olib kirish (import), muomalaga chiqarish va realizatsiya qilish faqat tovar tegishli tartibda markirovka qilingan hamda tovar (yoki uning qadoqlanishi)ga Data Matrix kodlari ko‘rinishidagi raqamli identifikatsiya vositasi qo‘llanilgan taqdirdagina ruxsat etiladi.
Jismoniy shaxslar tomonidan maishiy texnikani olib kirish tartibi
2025 yil 19 aprel kungi Vazirlar Mahkamasining 244-son qarori “Ayrim turdagi tovarlarni bojxona chegarasi orqali olib o‘tish tartibini yanada takomillashtirish chora-tadbirlari to‘g‘risida” ga muvofiq, jismoniy shaxslar uchun O‘zbekiston Respublikasi hududiga tovarlarni bojxona to‘lovlarisiz olib kirishning quyidagi me’yorlari belgilangan:
- 1000 AQSH dollarigacha — O‘zbekiston Respublikasi xalqaro aeroportlari orqali olib kirilganda;
- 500 AQSH dollarigacha — temir yo‘l va daryo o‘tkazish punktlari orqali olib kirilganda;
- 300 AQSH dollarigacha — avtomobil (piyoda) o‘tkazish punktlari orqali olib kirilganda;
- 200 AQSH dollarigacha — bir kalendar chorak davomida xalqaro kuryer jo‘natmalari orqali kelgan tovarlar uchun;
- 100 AQSH dollarigacha — xalqaro pochta jo‘natmalari orqali kelgan tovarlar uchun.
Jismoniy shaxs tomonidan bojxona chegarasini kesib o‘tishda yuqorida ko‘rsatilgan me’yorlar doirasida shaxsiy ehtiyojlar uchun olib kirilayotgan tovarlar majburiy yozma deklaratsiyasiz olib kirilishi mumkin.
Bundan xalqaro pochta va kuryer jo‘natmalari, shuningdek tadbirkorlik faoliyati uchun olib kirilayotgan tovarlar mustasno.
Agar jismoniy shaxs tovarlarni tadbirkorlik faoliyati maqsadida olib kirsa, unda barcha tovarlar uchun amaldagi qonunchilikka muvofiq bojxona rasmiylashtiruvi umumiy tartibda amalga oshiriladi. Shaxsiy ehtiyojlar uchun olib kiriladigan ayrim tovarlarning miqdoriy me’yorlari Avtomobil (piyoda), temir yo‘l va daryo o‘tkazish punktlari orqali jismoniy shaxslar tomonidan quyidagi tovarlarni bojxona to‘lovlarisiz olib kirish mumkin:
| № | Tovar nomi | Miqdor | Davriylik |
|---|---|---|---|
| 1 | Muzlatkich | 1 dona | 6 kalendar oyda |
| 2 | Muzlatgich (morozilnik) | 1 dona | 6 kalendar oyda |
| 3 | Konditsioner | 1 dona | 6 kalendar oyda |
| 4 | Kir yuvish mashinasi | 1 dona | 6 kalendar oyda |
| 5 | Changyutkich | 1 dona | 6 kalendar oyda |
| 6 | Gaz plitasi | 1 dona | 6 kalendar oyda |
| 7 | Elektr plita | 1 dona | 6 kalendar oyda |
| 8 | Televizor | 1 dona | 6 kalendar oyda |
| 9 | Mikrotoʻlqinli pech | 1 dona | 6 kalendar oyda |
| 10 | Duxovka | 1 dona | 6 kalendar oyda |
| 11 | Elektr go‘sht maydalagich | 1 dona | 6 kalendar oyda |
| 12 | Dazmol | 1 dona | 6 kalendar oyda |
| 13 | Fen | 1 dona | 6 kalendar oyda |
| 14 | Oshxona kombayni | 1 dona | 6 kalendar oyda |
| 15 | Telefon qurilmasi, jumladan aqlli soat | 1 dona | 6 kalendar oyda |
| 16 | Kompyuter texnikasi | 1 dona | 6 kalendar oyda |
| 17 | Printer va MFU | 1 dona | 6 kalendar oyda |
| 18 | Planshet | 1 dona | 6 kalendar oyda |
| 19 | Noutbuk | 1 dona | 6 kalendar oyda |
| 20 | Oshxona idish-tovoqlari to‘plami | 1 to‘plam | 6 kalendar oyda |
| 21 | Boshqa tovarlar** | 2 kg har bir nomda, umumiy 10 kg gacha | 1 kalendar oyda |
Ushbu tovarlarning qiymati bojxona to‘lovlarisiz olib kirishning umumiy qiymat me’yorlariga kiritiladi. Ushbu me’yorlar 2018 yil 6 fevraldagi Prezidentning PQ-3512-son qarori bilan belgilangan. Bojxona to‘lovlarisiz olib kirish bo‘yicha miqdoriy me’yorlar faqat belgilangan davrda birinchi marta chegarani kesib o‘tganda qo‘llaniladi. Chegaradan o‘tish fakti pasportga qo‘yilgan chegara xizmati muhri asosida aniqlanadi. Eslatma: | |||
Sharhlar
sharhsiz qoldirish uchu tizimga kirish