Kod markirovka Data Matrix uchta asosiy ma’lumotlar guruhini o‘z ichiga oladi va (tovar guruhiga qarab) bitta qo‘shimcha guruhni ham o‘z ichiga olishi mumkin:
birinchi ma’lumotlar guruhi – mahsulot kodi, u 14 ta belgidan (raqamlardan) iborat bo‘lib, unga ilova identifikatori (01) oldindan qo‘yiladi;
ikkinchi ma’lumotlar guruhi – savdo birligining individual tartib raqami bo‘lib, u oldingi identifikator (21) bilan ifodalanadi va raqamli belgilar yoki (lotin alifbosidagi) harf-raqam ketma-ketligidan tashkil topadi. Ushbu guruh ma’lumotlari uchun tugash belgisi sifatida ASCII belgilar jadvalidagi kodi 29 yoki 232 bo‘lgan maxsus ajratuvchi belgi ishlatiladi;
uchinchi ma’lumotlar guruhi (qo‘shimcha) – 4 belgili (raqamlar, kichik va katta lotin harflari hamda maxsus belgilar) tekshiruv kaliti identifikatori (individual tartib raqami) bo‘lib, u (91) ilova kodi bilan aniqlanadi va Operator tomonidan yaratiladi. Ushbu ma’lumotlar guruhi uchun ham tugash belgisi – ASCII belgilar jadvalidagi kodi 29 yoki 232 bo‘lgan maxsus ajratuvchi belgi bo‘lishi kerak;
to‘rtinchi ma’lumotlar guruhi – 44 belgidan (raqamlar, kichik va katta lotin harflari hamda maxsus belgilar) iborat tekshiruv kodi va (92) ilova kodi bilan aniqlanadi hamda Operator tomonidan yaratiladi.
Ma’lumotlar guruhlari ketma-ketlikda, birinchisidan to‘rtinchisigacha joylashtirilishi kerak.
Har bir tovar guruhi uchun markirovka kodi belgilar soni bo‘yicha farq qiladi, bu markirovka qilinadigan tovarning qaysi tovar guruhiga tegishli ekanligiga bog‘liq
Sharhlar
sharhsiz qoldirish uchu tizimga kirish