Profil sozlamalari → Umumiy ma’lumotlar

"Umumiy ma'lumotlar" kichik bo'limi tashkilot haqidagi asosiy ma'lumotlarni uch tilda o'z ichiga oladi.

Ma'lumotlar quyidagi bloklarga bo'lingan:

• Umumiy ma'lumotlar — tovarlar aylanmasi ishtirokchisining (TAI) qisqa va to'liq nomi, STIR, manzil va boshqa ma'lumotlar.
• Tizim ma'lumotlari — soliq maqomi, ishtirokchi ID si, TAI ro'yxatdan o'tgan sana va asos.
• Aloqa ma'lumotlari — aloqa shaxsining F.I.Sh. va lavozimi hamda elektron pochta manzili.

"Umumiy ma'lumotlar" blokidagi ma'lumotlar Davlat soliq qo'mitasi ma'lumotlariga muvofiq avtomatik yangilanadi va tizimda tahrirlash uchun mavjud emas.

Ishtirokchining aloqa shaxslarini tahrirlash

Ushbu amal "Administrator" roliga ega foydalanuvchilar uchun mavjud.

Tashkilot bilan bog'liq barcha bildirishnomalar, masalan:

• tashkilot ma'lumotlarining o'zgarishi haqida (masalan, faoliyat amalga oshiriladigan joy, tovar guruhi va h.k.);
• elektron hisob-fakturalarni (EHF) qayta ishlash natijasi va markirovka kodlarini (MK) o'tkazish so'rovlari haqida,

ko'rsatilgan elektron pochta manziliga yuboriladi. Shuning uchun ma'lumotlarni tekshirib, zarur bo'lsa yangilab qo'yishni tavsiya etamiz. Buning uchun quyidagi amallarni bajaring:

1. Shaxsiy kabinetda "Tashkilot profili" bo'limiga o'ting.
2. "Tahrirlash" tugmasini bosing va aloqa shaxsining quyidagi maydonlarini tekshiring:
   • Bildirishnomalar uchun afzal ko'rilgan til — ko'rsatilgan elektron pochta manziliga xatlar keladigan til. Odatiy holatda o'zbek tili qo'llaniladi. UZ, RU va EN tillari mavjud.
   • Elektron pochta — manzil dolzarb ekanligiga ishonch hosil qiling.
   • Aloqa ma'lumotlari — zarur bo'lsa, yangi aloqa turini qo'shing: "+" tugmasini bosib, majburiy maydonlarni to'ldiring, masalan, telefon raqamini.
3. O'zgartirishlarni kiritgach, "Saqlash" tugmasini bosing.

✅ Ma'lumotlar muvaffaqiyatli saqlandi.