Profil sozlamalari: Foydalanuvchi qo‘shish

Foydalanuvchilarni qo‘shish ularga shaxsiy kabinetda ishlash, markirovka kodlarini buyurtma qilish va boshqa operatsiyalarni bajarish imkoniyatini taqdim etish maqsadida amalga oshiriladi.

Foydalanuvchini shaxsiy kabinetga qo‘shish uchun quyidagi bosqichlarni bajarish kerak:

1. "Tashkilot profili" bo‘limiga o‘tish.

2. "Foydalanuvchilar" bo‘limini ochish.

3. "Foydalanuvchi qo‘shish" tugmasini bosish.

⚠️Foydalanuvchi qo‘shish opsiyasi faqat "Administrator" roliga ega ishtirokchilar uchun mavjud. "Administrator" roli tizimda birinchi bo‘lib muvaffaqiyatli ro‘yxatdan o‘tgan foydalanuvchiga avtomatik tarzda beriladi.

ajburiy maydonlarni to‘ldirish kerak (yulduzcha * bilan belgilangan):

• Foydalanuvchining F.I.Sh. (barcha tillarda);
• Lavozimi (barcha tillarda, ixtiyoriy);
• Ishtirokchi turi (ishtirokchi uchun mavjud variantlardan tanlanadi);
• Foydalanuvchi turi (biznes foydalanuvchi / texnik foydalanuvchi) — tizimda ishlash usuliga qarab tanlanadi. (Batafsil: Foydalanuvchi turi haqida);
• Tizimga kirish usuli quyidagilardan biri orqali tanlanadi:
  - jismoniy shaxsning elektron raqamli imzosi (ERI) orqali;
  - yuridik shaxsning elektron raqamli imzosi (ERI) orqali;
  - login va parol orqali (majburiy, agar foydalanuvchi turi "Texnik foydalanuvchi" bo‘lsa);
  
• login va parol orqali (majburiy, agar foydalanuvchi turi "Texnik foydalanuvchi" bo‘lsa);
  
• Kontakt ma’lumotlari (majburiy – e-mail, ixtiyoriy – telefon raqami).

• Foydalanuvchiga mavjud tovar guruhlari (ishtirokchi uchun belgilangan ro‘yxatdan) tanlanadi.

• Tadbirkorlik faoliyati yuritish joylari (MOD) ishtirokchisi tomonidan belgilangan hududlar.

• Rollar (foydalanuvchiga berilishi kerak bo‘lgan vakolatlar majmuasi) (Batafsil: Foydalanuvchi roli haqida).

Foydalanuvchi muvaffaqiyatli ro‘yxatdan o‘tkazilgandan so‘ng:
Foydalanuvchi ma’lumotlari tizimda saqlanadi va unga unikal identifikator (login) beriladi. Foydalanuvchining statusi "Faollashtirilmagan" deb belgilanadi.

Foydalanuvchining shaxsiy kabineti faollashtirilishi uchun maxsus havola yaratiladi va foydalanuvchining ro‘yxatdan o‘tish vaqtida ko‘rsatilgan elektron pochta manziliga yuboriladi. Ushbu xabarnoma foydalanuvchini tizimga faollashtirish uchun zarur ma’lumotlarni o‘z ichiga oladi.

Foydalanuvchi xatdagi havola orqali tizimga kirgandan so‘ng: Elektron raqamli imzo (ERI) sertifikatini saqlaydi yoki login-parol orqali tizimga kirish ma’lumotlarini kiritadi (foydalanuvchi turiga qarab). Autentifikatsiyadan muvaffaqiyatli o‘tgandan so‘ng, foydalanuvchining hisob qaydi avtomatik ravishda faollashadi va statusi "Faollashtirilgan" bo‘lib o‘zgaradi.

⚠️Agar foydalanuvchi 7 kun ichida autentifikatsiyadan o‘tmasa:

- "Administrator" roliga ega foydalanuvchiga murojaat qilish kerak.

- "Administrator" foydalanuvchi hisobini bloklaydi va kerak bo‘lsa, ma’lumotlarini o‘zgartiradi.

- "Administrator" hisobni qayta faollashtiradi, bu holda foydalanuvchiga yangi aktivatsiya havolasi elektron pochta orqali yuboriladi.