2020-yil 20-noyabrdagi 737-son VMQga asosan “Ayrim turdagi mahsulotlarni majburiy raqamli markirovkalash tizimini joriy etish to‘g‘risida”gi 1-ilova bilan 2021-2022-yillarda identifikatsiyalash yo‘li bilan majburiy raqamli markirovkalash talabi joriy etilgan mahsulotlar RO‘YXATI tasdiqlandi.
Tamaki mahsulotlarini raqamli markirovkalashni joriy etish qoidalari va muddatlari Vazirlar Mahkamasining 2020-yil 31-dekabrdagi “Ayrim turdagi mahsulotlarni raqamli markirovkalash tizimi bosqichma-bosqich joriy etilishni ta’minlash chora-tadbirlari to‘g‘risida”gi 833-son VQM bilan belgilangan.
3-ilovada majburiy raqamli markirovkalanishi lozim bo‘lgan tamaki mahsulotlari turlari ro‘yxati keltirilgan:
- filtrli sigaretalar;
- filtrsiz sigaretalar;
- boshqa turdagi chekiladigan tamaki mahsulotlari;
- chekilmaydigan tamaki mahsulotlari;
- nikotinsiz tamakisiz snyus, nikotinli suyuqlik va elektron sigaretalar.
Tamaki mahsulotlarining tasnifi va tashqi iqtisodiy faoliyat tovar nomenklaturasi (TNVED) kodlari texnik jihatdan tartibga solish sohasidagi normativ hujjatlarga muvofiq belgilanadi:
|
TIF TN Kodi |
Pozitsiya nomi |
|
2402 10 000 0 |
Tarkibida tamaki bo'lgan sigaralar, uchlari kesilgan sigaralar va sigarillalar |
|
2402 20 100 0 |
Tarkibida tamaki va qalampirmunchoq bo'lgan sigaretalar |
| 2402 90 000 0 | Tarkibida tamaki bo'lgan sigaretalar va boshqalar |
|
2403 11 000 0 |
Kalayan uchun tamaki |
|
2403 19 100 0 |
Netto-vazni 500 g dan oshmaydigan birlamchi qadoqlardagi boshqa chekiladigan tamaki |
|
2403 19 900 0 |
Boshqa chekiladigan tamaki |
| 2403 91 000 0 | Homogenlangan va qayta tiklangan tamaki |
|
2403 99 100 0 |
Chaynaladigan va hidlanadigan tamaki |
|
2403 99 900 1 |
"Kengaytirilgan" tamaki paycha (jilka) |
|
2403 99 900 9 |
Boshqa sanoatda ishlab chiqarilgan tamaki va tamaki o'rnini bosuvchi mahsulotlar, tamaki ekstraksiyalari va essensiyalari |
|
8543 70 900 0 |
Individual funksiyalarga ega, shu guruhning boshqa joyida nomlanmagan yoki kiritilmagan elektron mashinkalar va apparatlar, boshqalar |
Filtrli sigaretlar:
- 2021-yil 1-yanvardan boshlab faqat markirovkalangan mahsulotlar ishlab chiqarilishi va import qilinishi kerak;
- 2021-yil 1-iyuldan boshlab ishlab chiqaruvchilar ulgurji savdoga faqat markirovkali mahsulotlarni jo‘natishadi;
- 2021-yil 1-oktabrdan boshlab distribyutorlar faqat markirovkali mahsulotlarni chakana savdo tarmog‘iga jo‘natishlari kerak bo'ladi;
- 2022-yil 1-yanvardan boshlab O‘zbekiston Respublikasining butun hududida markirovkalanmagan mahsulotlarni sotish taqiqlanadi.
Filtrsiz sigaretalar (shu jumladan papiroslar):
- 2021-yil 1-dekabrdan boshlab faqat markirovkalangan mahsulotlar ishlab chiqarilishi va import qilinishi kerak;
- 2022-yil 1-fevraldan boshlab ishlab chiqaruvchilar ulgurji savdoga faqat markirovkali mahsulotlarni jo‘natishadi;
- 2022-yil 1-martdan boshlab distribyutorlar faqat markirovkali mahsulotlarni chakana savdo tarmog‘iga jo‘natishlari kerak bo'ladi;
- 2022-yil 1-dekabrdan boshlab O‘zbekiston Respublikasining butun hududida markirovkalanmagan mahsulotlarni sotish taqiqlanadi.
Tamaki mahsulotlarining boshqa turlari: 2022-yil 1-oktabrdan boshlab barcha turdagi tamaki mahsulotlariga, shu jumladan isitiladigan tamaki va elektron sigaretlarga ham majburiy markirovkalash joriy etiladi.
- 2022-yil 1-oktabrdan boshlab faqat markirovkalangan mahsulotlar ishlab chiqarilishi va import qilinishi kerak;
- 2023-yil 1-fevraldan boshlab ishlab chiqaruvchilar ulgurji savdoga faqat markirovkali mahsulotlarni jo‘natishadi;
- 2023-yil 1-yanvardan boshlab distribyutorlar faqat markirovkali mahsulotlarni chakana savdo tarmog‘iga jo‘natishlari kerak bo'ladi;
- 2023-yil 1-oktabrdan boshlab O‘zbekiston Respublikasining butun hududida markirovkalanmagan mahsulotlarni sotish taqiqlanadi.
Ishlab chiqaruvchilar va importchilar markirovkalash axborot tizimiga barcha aylanma faoliyati to'g'risidagi ma'lumotlarni kiritadilar:
- 2021 yil 1 oktyabrdan filtrli sigaretalar;
- 2022 yil 1 martdan filtrsiz sigaretalar;
- 2023-yil 1-martdan boshqa turdagi tamaki mahsulotlari.
Tamaki mahsulotlarining ulgurji savdosi tashkilotlari markirovkalash axborot tizimiga barcha aylanma faoliyati to'g'risidagi ma'lumotlarni kiritadilar:
- 2022 yil 1 yanvardan filtrli sigaretalar;
- 2022-yil 1-fevraldan filtrsiz sigaretalar;
- 2023 yil 1 yanvardan boshqa turdagi tamaki mahsulotlari.
Tamaki mahsulotlarining chakana savdosi bilan shug'ullanuvchi tamaki mahsulotlarining muomalasi ishtirokchilari chakana savdo to'g'risidagi ma'lumotlarni markirovkalash axborot tizimiga kiritadilar:
- 2021 yil 1 apreldan filtrli sigaretalar;
- 2022 yil 1 iyundan filtrsiz sigaretalar;
- 2023 yil 1 iyundan boshqa turdagi tamaki mahsulotlari.
Sharhlar
sharhsiz qoldirish uchu tizimga kirish