Markirovkalash kodlariga buyurtma berish: To'lov va usullar

Markirovka kodlariga buyurtma berish tartibi buyurtmalarni boshqarish stantsiyasi (BBS) orqali amalga oshiriladi, unga "Asl Belgisi" MATdagi shaxsiy kabinet orqali kirish mumkin. Shuningdek, mahsulotlar aylanmasi ishtirokchilari BBS API yordamida to'g'ridan-to'g'ri o'zlarining avtomatlashtirilgan tizimidan markirovkalash kodlariga buyurtma berish imkoniyatiga ega.

Ushbu maqolada siz quyidagilarni bilib olasiz:

• Markirovkalash kodlariga to’lovni qanday amalga oshirish kerak
• Markirovkalash kodlariga qanday buyurtma berish mumkin
• Markirovkalash kodlari uchun buyurtma rad etilsa nima qilish kerak
• Markirovkalash kodlarini qanday yuklab olish mumkin

BBS bilan ishlash haqida ko'proq ma'lumot olish uchun "BBS UZ Administrator qo'llanmasi" batafsil yo'riqnomasini o'qing.

Mahsulot aylanmasi ishtirokchisining shaxsiy hisobini to'ldirish Operator hisobiga mablag'lar kelib tushgan paytdan boshlab 24 soat ichida amalga oshiriladi.

Markirovkalash kodlari uchun to’lovni qanday amalga oshirish kerak

Markirovkalash kodlariga buyurtma berish 3 shartni bajargandagina mumkin bo’ladi:

• markirovkalash kodlarini berish to’g’risidagi operator bilan imzolangan shartnoma;

• buyurtma uchun zarur bo'lgan miqdor uchun to'ldirilgan shaxsiy hisob;

• Milliy katalogda ro'yxatdan o'tgan mahsulot uchun markirovkalash kodlariga buyurtma berish rejalashtirilgan kartasi.

Markirovka kodlariga buyurtma berish tartibi pullik asosda amalga oshiriladi - bitta kodning narxi 2020-yil 31-dekabrdagi 833-sonli VMQga muvofiq. QQSsiz 68 so'mdir.

Ishlab chiqaruvchi ulardan foydalanish haqida xabar bergan markirovka kodlari uchun haq olinadi. Ya'ni, to'lov faqat shaxsiy hisobingizga pul mablag'larini kiritganingizdan, kerakli miqdordagi markirovkalash kodlarini buyurtma qilganingizdan, ularni qo'llaganingizdan va ariza bo'yicha hisobot taqdim etganingizdan keyin yechib olinadi.

Hisob-kitobni shaxsiy kabinetingizda olishingiz mumkin:

1. Markirovkalash tizimidagi shaxsiy kabinetida avtorizatsiyadan o’ting;

2. Chap panelda "Hisob qaydnomalari" profilini tanlang;

3. Kerakli hisob qaydnomasidan o‘ng tomonidagi uchta nuqtani bosing va “Hisob qaydnomalarini olish” bandini tanlang.

4. To'ldirish miqdori va elektron pochta manzilini ko'rsating;

5. "Buyurtma" tugmasini bosing.

Hisob-faktura siz ko'rsatgan elektron pochta manziliga yuboriladi.

Markirovkalash kodlarini buyurtma qilish usullari

Markirovkalash kodlarini buyurtma qilish bo'yicha ko'rsatmalar siz mo'ljallangan kodlarni qaysi usulda: o'zingiz yoki xizmat ko'rsatuvchi provayder orqali qo'llashni rejalashtirganingizga qarab farq qiladi. Chop etish usulini tanlovdan kelib chiqib markirovkalash kodlarini buyurtma qilishning 2 ta usuli mavjud.

1-usul. Mustaqil qo'llash uchun markirovkalash kodlariga buyurtma berish

Mustaqil qo'llash uchun markirovkalash kodlariga buyurtma berish 6 qadamda amalga oshiriladi:

1. Login va parolingizdan foydalanib, “Asl Belgisi” MAT shaxsiy kabinetida avtorizatsiyadan o’ting.

2. Ekranning yuqori chap menyusida "Buyurtmani boshqarish stantsiyasi"ni bosing va buyurtma yaratish shakliga o'ting.

3. "1-qadam. Umumiy ma'lumotlar" ilovasida qizil rangda belgilangan barcha atributlarni to'ldiring.

4. "Mahsulotlarga o'tish" tugmasini bosganingizda "2-qadam. Mahsulotlar" ilovasi paydo bo'ladi. Ushbu ilovada ham qizil rang bilan belgilangan atributlarni ham to'ldirish kerak. “Mahsulotlar guruhi” atributi tahrirlash uchun mavjud emas. Barcha ma'lumotlarni to'ldirgandan so'ng, "Saqlash" tugmasini bosing.

5. Buyurtma shakli endi siz uchun mavjud: qizil rang bilan belgilangan chiziqlar majburiydir va ishlab chiqarish ma'lumotlarida "mustaqil"ni ko'rsating.

6. Tugallangan ma'lumotlarni tekshiring va "Yuborish" tugmasini bosish orqali buyurtmani tasdiqlang. Buyurtmani tugatgandan so'ng, siz markirovkalash kodlarini yuklab olishingiz mumkin.

Markirovkalash kodlariga buyurtma berishda cheklov mavjud: bir martada bitta mahsulot guruhidan 10 ta savdo ob'ekti uchun markirovkalash kodlarini, har biri uchun 150 000 ta markirovkalash kodlariga buyurtma berishingiz mumkin.

2-usul. Xizmat ko'rsatuvchi provayder (matbaa) orqali markirovkalash kodlariga buyurtma berish

Markirovkalash kodlarini xizmat ko'rsatuvchi provayder orqali chop etishga buyurtma berish 6 qadamda amalga oshiriladi:

1. Login va parolingizdan foydalanib markirovkalash tizimining Shaxsiy kabinetda avtorizatsiyadan o’ting;

2. Ekranning yuqori chap menyusida "Buyurtmani boshqarish stantsiyasi" ni bosing;

3. So’ng, profilingizga kiring va "Distributsiya qatnashchisi bo’lish" tugmasini bosing - bu qadamsiz siz xizmat ko'rsatuvchi provayderga markirovkalash kodlarini yubora olmaysiz;

4. "Servis-provayderlar" bo'limiga o'ting. Sizga markirovkalash kodlari bilan ishlashga tayyor bo'lgan bosmaxonalarning ro’yxati ochiladi. Yonidagi bo'limda har bir bosmaxona uchun ochiladigan oynada markirovkalash kodlari buyurtma qilinadigan mahsulot guruhini tanlang;

5. BBSga qayting va buyurtma shaklini to'ldiring: qizil rang bilan belgilangan qatorlar majburiydir va umumiy ma'lumotlarda xizmat ko'rsatuvchi provayderning nomi yoki STIR ko'rsatiladi;

6. To’ldirilgan ma'lumotlarni tekshiring va "Yuborish" tugmasini bosish orqali buyurtmani tasdiqlang. Siz buyurtma qilgan markirovkalash kodlari bosmaxonaga yuboriladi.

Ta'riflangan usullarning har biri bo'yicha markirovkalash kodlariga buyurtma berish jarayoni haqida batafsil ma'lumot quyidagi video qo'llanmada ko'rsatilgan:

Markirovkalash kodlariga buyurtma rad etilsa nima qilish kerak

Buyurtma rad etilishi mumkin, agar:

• Milliy katalogda mahsulot kartasi mavjud bo’lmasa;

• "Guruhli iste'mol qadoqlash" markirovkalash kodining noto'g'ri turi ko’rsatilgan bo’lsa (tovar birligini to'g'ri ko'rsating);

• shtrix-kod noto’g’ri yoki noaniq kiritilgan bo’lsa.

Bunday holda siz buyurtmani boshqarish stansiyasiga qaytishingiz va oldingi xatolarni hisobga olib yangi tartib yaratishingiz kerak.

Markirovkalsh kodlarini qanday yuklab olish mumkin

Muvaffaqiyatli buyurtmadan keyin markirovkalash kodlarini olish uchun siz 3 qadamni bajarishingiz kerak:

1-qadam. Avtorizatsiya

"Asl Belgisi" MATdagi shaxsiy kabinetga kiring, Buyurtmalarni boshqarish stantsiyasiga o'ting va "buyurtmalar" tugmasini bosing. Sizga barcha buyurtmalaringiz ro'yxatini ochiladi.

2-qadam. Import

Buyurtmalar jadvali ustidagi fayldan buyurtmani import qilish uchun siz "Import" tugmasini bosishingiz kerak, shundan so'ng standart fayl tanlash oynasi ochiladi.

Kodlar uchun buyurtma bandini belgilash uchun kodlarni chop etish oynasida quyidagi tugmalar mavjud:

• ”Chop etish” tugmasi, uni bosgandan so'ng Web-brauzerning standart dialog oynasi paydo bo'lib, markirovkalash kodi bo’lgan faylni saqlash imkonini beradi.

• Markirovkalash kodlarini chop etish uchun dialog oynasini yopuvchi ‹Bekor qilish› tugmasi.

Mahsulot guruhiga qarab, chop etish oynasi turli elementlarni o'z ichiga olishi mumkin, ammo "chop etish formati" va "miqdori" maydonlari barcha mahsulot guruhlari uchun umumiy bo'ladi.

Sizga kerak bo'lgan formatni va chop qilmoqchi bo'lgan markirovkalash kodlari sonini tanlang.

3-qadam. Chop etish

Shaklni to'ldirgandan so'ng, "chop etish" tugmasini bosing. Shundan so'ng darhol siz tanlagan markirovkalash kodlari soni siz ko'rsatgan formatda qurilmangizga yuklab olinadi.

Chop etish yorliqni chop etish printerda ham, oddiy printerda ham mumkin.

Boshqa foydali maqolalar:

• "Asl Belgisi" tizimi: ishni boshlash. Shaxsiy kabinet qanday tuzilgan va ro'yxatdan o'tgandan keyin nima qilish kerak?

• Raqamli markirovkalash nima?

• O‘zbekistonda mahsulotlarni majburiy raqamli markirovkalash to‘g‘risidagi qonun hujjatlari

• «Asl Belgisi» MAT: foydalanuvchilar uchun qo’llanma