xTrace: ⚠️Yangilangan ASL BELGISI shaxsiy kabinetida ishlashni boshlash uchun sozlamalar [ver. 2.0]

ASL BELGISI yangilangan shaxsiy kabinetida [ver 2.0] ishlash uchun korxona ma’lumotlarini tekshirish va zarur sozlamalarni amalga oshirish kerak.

1‑qadam — tayyorgarlik harakatlari (28.06.2025 y.gacha yoki undan ilgari)

1. E‑pochta manzilini tekshirish

Shaxsiy kabinetda hozirgi va amaldagi elektron manzilingiz ro‘yxatdan o‘tganligini tasdiqlang. Agar kerak bo‘lsa, uni yangilang — 30.06.2025 kuni shu manzilga yangi kabinetni faollashtirish uchun havola yuboriladi.

Yo‘l: Shaxsiy kabinet – Profil

2. Rahbarning dolzarbligini tekshirish

2. Profilda tashkilot rahbari sifatida faol rahbar ko'rsatilganligi va unga tegishli yozilgan elektron raqamli imzo (ERI) mavjudligini tekshiring. Agar kerak bo‘lsa, uni yangilang (rahbar ERI yordamida autentifikatsiyadan o‘tadi). Yangi kabinetga kirish aynan shu foydalanuvchi hisobiga beriladi, keyinchalik u boshqa xodimlarni qo‘shishi mumkin.

Yo‘l: Shaxsiy kabinet – Profil

3. Manzil to‘g‘riligini tekshirish

Ushbu manzil yangi kabinetdagi FAOJ (Faoliyatni amalga oshirish joylari) yaratishda ishlatiladi. Tekshirib ko‘ring, haqiqiy manzil yozilganligiga ishonch hosil qiling.

Yo‘l: Shaxsiy kabinet – Profil

4. Rejalashtirilgan ishlar uchun tayyorgarlik

Rejalashtirilgan texnik ishlar vaqtida tizim vaqtincha ishlamaydi. Ishlar muddati bilan Yodam markazi portalida tanishing. Zarurat tug‘ilganda, korxonangiz faoliyati uchun zarur bo‘lgan markirovka kodlarini oldindan zaxira qilib oling.

Yo‘l: ⚠️ Rejalashtirilgan texnik ishlar 28.06.25–30.06.25

2 qadam — Asosiy sozlamalar va tekshiruvlar [30.06.2025 va keyin]

5. Pochtani tekshirish

30.06.2025 kuni notifier@aslbelgisi.uz tomonidan sizning 1-bandda ko'rsatilgan e‑pochta manzilingizga faollashtirish havolasi yuboriladi.
Yo‘l: Email

6. Hisobni faollashtirish
«ASL BELGISI akkauntini faollashtirish» so‘zlari mavjud bo‘lgan xatni oching va undagi faollashtirish havolasiga o‘ting.

Muhim (!):

• Havola faqat 1 marta ishlatiladi va 7 kun davomida amal qiladi.
• Faollashtirishni amaldagi rahbarning E-IMZO o‘rnatilgan kompyuterida bajarish kerak (2-bandga qarang);
• Havolaga o‘tgandan so‘ng, rahbarning E-IMZO sertifikatini tanlang va unga tegishli parolni kiriting;

Yo‘l: Email

7. Yangi shaxsiy kabinetga kirish

Hisobni faollashtirgandan so‘ng (6-bandga qarang), siz ASL BELGISI ning yangi shaxsiy kabinetiga kirishingiz mumkin. Korxona rahbariga avtomatik tarzda “Tashkilot administratori” roli beriladi.

Administrator korxona ma’lumotlarini o‘zgartirishi, shuningdek, yangi shaxsiy kabinetga kirish huquqiga ega xodimlarni qo‘shishi mumkin (9-bandga qarang).

Yo‘l: Tizimga kirish

8. Tashkilot profilini tekshirish

• Tashkilot profilingizda kerakli tovar guruhlari, ularning holati hamda (agar tashkilotingiz markirovka bilan shug‘ullansa) «KM emitenti» belgisi ko‘rsatilganligiga ishonch hosil qiling.
• Barcha faoliyat amalga oshirish joylari (FAOJ) mavjudligi va faolligini tekshiring. Zarur bo‘lsa — yangilarini qo‘shing.
• 478 bilan boshlanadigan GTIN (tovar egalariga) ega tashkilotlar — GS1 prefiksining mavjudligini tekshiring. Agar u mavjud bo‘lmasa, tasdiqlovchi hujjat bilan Operatorga murojaat qiling.

Yo‘l: Shaxsiy kabinet → Tashkilot profili

9. Joriy foydalanuvchi (Administrator) ma’lumotlarini tekshirish

• Foydalanuvchiga barcha kerakli rollar tayinlanganligiga ishonch hosil qiling
• Foydalanuvchi kerakli tovar guruhlariga biriktirilganligini tekshiring.
• Barcha zaruriy FAOJ biriktirilganligiga ishonch hosil qiling

Yo‘l: Shaxsiy kabinet → Joriy foydalanuvchi

10. Hodimlarni (biznes-foydalanuvchilarni) qo‘shish

• Yangi shaxsiy kabinetda to‘liq ishlashlari uchun kerakli foydalanuvchilarni qo‘shing va ularga tegishli huquqlar (rollar)ni tayinlang.
• Foydalanuvchilarga yangi shaxsiy kabinetda akkauntni faollashtirish bo‘yicha ko‘rsatmalarni yetkazib bering.

Yo‘l: Shaxsiy kabinet → Tashkilot profili → Foydalanuvchilar

11. Mahsulot kartochkalarini tekshirish

Ishlab chiqarilishi rejalashtirilgan barcha mahsulot kartochkalari nashr etilganligi va to‘g‘ri to‘ldirilganligiga ishonch hosil qiling

• Tovar kartochkalari "Mahsulotlar tavsifi" bo‘limining "Nashr qilinganlar" yorlig‘ida joylashgan bo‘lishi kerak (zarurat tug‘ilganda, filtr va qidiruv funksiyalaridan foydalaning).
• Alohida e’tibor bering: "Ishlab chiqarilgan mamlakat" atributi endilikda majburiy hisoblanadi va markirovka kodlarini qo'llash bo‘yicha hisobotlarni ro‘yxatdan o‘tkazishda tekshiriladi.
• Nashr qilingan kartochka mavjud bo‘lmasa, yangi kodlarni olish yoki avval olingan kodlarni faollashtirish (bosib chiqarish) imkonsiz bo‘ladi.
• Barcha yetishmayotgan yoki to‘liq bo‘lmagan kartochkalarni yarating va moderatsiyaga yuboring

Faqat o‘z kartochkalaringizni ko‘rsatish uchun filtrda “Foydalanuvchi turi” → “Faqat o‘z ishtirokchisi” tanlang. Keyinchalik bu zarurat bartaraf etiladi.

Yo‘l: Shaxsiy kabinet → Mahsulot tavsifi

12. API integratsiyasini sozlash

• BBS API bilan ishlash uchun texnik foydalanuvchini qo‘shing. Integratsiya uchun mas’ul mutaxassislarga hujjatlarni taqdim eting
• Open API da avtorizatsiyadan o'tish uchun biznes-foydalanuvchining API kalitini yarating va texnik hujjat bilan birga topshiring
  Yo‘l: Yordam markazi / Shaxsiy kabinet → Joriy foydalanuvchi