⚠️Yangilangan ASL BELGISI shaxsiy kabinetida ishlashni boshlash uchun sozlamalar [xTrace ver. 2.0]

Yangi ASL BELGISI Shaxsiy kabineti [xTrace ver 2.0] bilan ishlash uchun korxona ma’lumotlarini tekshirish va kerakli sozlamalarni bajarish zarur:

1. Qadam: Tayyorlov ishlari [28.11.2025 gacha yoki undan oldin]

2. Qadam: Asosiy sozlamalar va tekshiruvlar [01.12.2025 dan boshlab]

3. Qadam: Qo‘shimcha tavsiyalar

⚡️2025-yil 24-noyabr kuni soat 14:00 dan boshlab ASL BELGISI tizimining ishlab chiqarish konturida [xTrace ver. 2.0] akkauntni oldindan aktivatsiya qilish funksiyasi mavjud bo‘ladi.⚡️

 Qadam 1: Tayyorlov ishlari [28.11.2025 gacha yoki undan oldin]

1. E-mail manzilining to‘g‘riligini tekshirish

Amaldagi Shaxsiy kabinetda joriy elektron pochta manzili ko‘rsatilganiga va Sizda unga kirish imkoniyati mavjudligiga ishonch hosil qiling. Zarur bo‘lsa, uni yangilang. 01.12.2025 kuni ushbu manzilga yangi Shaxsiy kabinetni faollashtirish uchun havola va parol yuboriladi.

Yo‘l: Shaxsiy kabinet – Profil

2. Rahbarning dolzarbligini tekshirish

Amaldagi Shaxsiy kabinetda korxonangizning amaldagi rahbari ko‘rsatilganiga va rahbarda uning nomiga rasmiylashtirilgan yuridik shaxsning E-imzosi mavjudligiga ishonch hosil qiling. Zarur bo‘lsa, rahbarning ma’lumotlarini yangilang (direktorning amaldagi E-imzo kaliti orqali avtorizatsiya qilish orqali). Yangi Shaxsiy kabinetga faqat ushbu foydalanuvchi uchun kirish taqdim etiladi (keyinchalik rahbar boshqa xodimlarni qo‘shishi mumkin).

Yo‘l: Shaxsiy kabinet – Profil

3. Manzilning to‘g‘riligini tekshirish

Amaldagi Shaxsiy kabinetda ko‘rsatilgan korxonangizning haqiqiy manzilini tekshiring. Ushbu manzil yangi Shaxsiy kabinetda faoliyat yuritish joyi (FYoJ) yaratishda qo‘llaniladi.

Yo‘l: Shaxsiy kabinet – Profil

4. «Dori vositalari» va «Tibbiy buyumlar» tovar guruhlari uchun

18:00, 28.11.2025 gacha bojxona protseduralariga taqdim etilishi rejalashtirilmagan barcha AIKlarni tarqatib yuboring. Bu keyingi qayta ishlash jarayonida xatoliklar va kechikishlarning oldini olish uchun zarur.

5. Reja asosidagi texnik ishlarga tayyorgarlik

Reja asosidagi texnik ishlar vaqtida tizim vaqtincha mavjud bo‘lmaydi. Ma’lumotlar markazi portalida o‘tkazish muddatlari bilan tanishing. Zarur bo‘lsa, texnik ishlar davomida korxonangiz faoliyati uchun yetarli miqdorda markirovka kodlarini shakllantirib oling.

Yo‘l: ⚠️Reja asosidagi texnik ishlar 28.11.25–01.12.25

Agar shaxsiy kabinetni faollashtirish 24.11.25 dan 28.11.25 gacha amalga oshirilmagan bo‘lsa, iltimos, quyidagi 2-bosqichda ko‘rsatilgan ko‘rsatmalarga amal qiling ⬇️

 Qadam 2: Asosiy sozlamalar va tekshiruvlar [01.12.2025 dan boshlab]

6. Pochtani tekshirish

01.12.2025 kuni tashkilot profilida ko‘rsatilgan elektron pochta manziliga (1-band qarang) notifier@aslbelgisi.uz
manzilidan akkauntni faollashtirish bo‘yicha ma’lumotlar yuboriladi (6-band qarang).

Yo‘l: Email

7. Hisobni faollashtirish

“Mavzu qismida «ASL BELGISI hisobini faollashtirish» iborasi mavjud bo‘lgan” xatni oching. Faollashtirish kodini (parolni) nusxalang va havola orqali o‘ting. Faollashtirish kodini kiriting va amaldagi rahbarning E-imzosi yordamida shaxsni tasdiqlang.

Muhim(!):

• faollashtirish amaldagi rahbarning E-imzosi o‘rnatilgan kompyuterda bajarilishi kerak (2-band qarang);

• Faollashtirish kodi 7 kun davomida amal qiladi.

Yo‘l: Email

8. Shaxsiy kabinetga kirish

Hisob faollashtirilgandan so‘ng (qarang 6-band), yangi Shaxsiy kabinetga avtorizatsiya qilishingiz mumkin. Korxona rahbari “Tashkilot administratori” rolini oladi.

Administrator korxona ma’lumotlarini o‘zgartirishi, shuningdek, yangi Shaxsiy kabinetga kirish huquqiga ega bo‘ladigan xodimlarni qo‘shishi mumkin (qarang 9-band).

Yo‘l: Tizimga avtorizatsiya

9. Yangi Shaxsiy kabinetda tashkilot profilini tekshirish

• Profilda kerakli tovar guruhlari, shuningdek “KM emitenti” belgisi (agar korxonangiz tovarlarni markirovka qilsa) ko‘rsatilganiga ishonch hosil qiling.

• Barcha faoliyat yuritish joylarining (FYoJ) mavjudligi va faoliyatini tekshiring. Zarur bo‘lsa, yangilarini qo‘shing.

• 478 bilan boshlanuvchi GTINga ega tovar egalari GS1 prefiksining mavjudligini tekshirishlari lozim. U mavjud bo‘lmasa, tasdiqlovchi hujjat bilan operatorga murojaat qiling.

Yo‘l: Shaxsiy kabinet → Tashkilot profili

10. Joriy foydalanuvchi (Administrator) ma’lumotlarini tekshirish

• Foydalanuvchiga barcha zarur rollar tayinlanganligini tekshiring.

• Foydalanuvchini tegishli tovar guruhlariga bog‘langanligini tekshiring.

• Foydalanuvchining tegishli faoliyat yuritish joylariga (FYoJ) bog‘langanligiga ishonch hosil qiling.

Yo‘l: Shaxsiy kabinet → Joriy foydalanuvchi

11. Xodimlarni (biznes-foydalanuvchilarni) qo‘shish

• Kerakli foydalanuvchilarni qo‘shing va ularga yangi Shaxsiy kabinetda to‘liq ishlash uchun kerakli huquqlarni (rollarni) tayinlang.

• Foydalanuvchilarga yangi Shaxsiy kabinetda faollashtirish bo‘yicha yo‘riqnomalarni yetkazing.

Yo‘l: Shaxsiy kabinet → Tashkilot profili → Foydalanuvchilar

12. Tovar kartochkalarini tekshirish

Ishlab chiqarishga rejalashtirilgan barcha tovar kartochkalari chop etilgan va to‘g‘ri to‘ldirilganligiga ishonch hosil qiling.

• Tovar kartochkasi “Tovarlarning tavsifi” bo‘limida, “Chop etilgan” yorlig‘ida joylashgan bo‘lishi kerak (zarur bo‘lsa, filtr va qidiruvdan foydalaning).

• Alohida e’tibor: tovar ishlab chiqarilgan mamlakat to‘g‘risidagi ma’lumotlarning mavjudligi (endi “Ishlab chiqarilgan mamlakat” atributi majburiydir va markirovka kodlaridan foydalanish bo‘yicha hisobotlarni ro‘yxatdan o‘tkazishda tekshiriladi).

• Chop etilmagan tovar kartochkasisiz yangi kodlarni olish va ilgari olingan kodlarni faollashtirish (qo‘llash) imkoni bo‘lmaydi.

• Barcha yetishmayotgan yoki to‘liq bo‘lmagan kartochkalarni yarating va moderatsiyaga yuboring.

Faqat o‘z kartochkalaringizni ko‘rsatish uchun “Kirish turi” filtrida “Faqat o‘z ishtirokchisiniki” qiymatini tanlang. Keyinchalik bu ehtiyoj bartaraf etiladi.

Yo‘l: Shaxsiy kabinet → Tovarlar tavsifi

13. API-integratsiyani sozlash

• IZKM API bilan ishlash uchun texnik foydalanuvchini qo‘shing. Integratsiya uchun mas’ul mutaxassislarga texnik hujjatlarni yuboring.

• Open API-ga kirish uchun biznes-foydalanuvchi uchun API-kaliti yarating va texnik hujjatlarni topshiring. 

Yo‘l: Mal'umotlar markazi / Shaxsiy kabinet → Joriy foydalanuvchi

 Qadam 3: Qo‘shimcha tavsiyalar

14. Hujjatlarni tekshirish

Tashkilotingiz tomonidan ro‘yxatdan o‘tkazilgan hujjatlarning, jumladan EHF, AIK, GTD va boshqalar mavjudligini tekshiring.

Yo‘l: Shaxsiy kabinet → “Hujjatlar” bo‘limi

15. Cheklarni tekshirish

Tashkilotingiz tomonidan ro‘yxatdan o‘tkazilgan kassaviy cheklar mavjudligini tekshiring.

Yo‘l: Shaxsiy kabinet → “Hujjatlar” bo‘limi

16. Mobil ilovalarda kodlarni tekshirish

Avval qo‘llangan va yangi yaratilgan barcha kodlar “Asl belgisi” va “Soliq.Uz” mobil ilovalarida to‘g‘ri aks etayotganini tekshiring.

Yo‘l: Mobil ilova

17. O‘qitish va testdan o‘tish

Yo‘riqnomalar bilan tanishing va markirovka kodlari bilan ishlashning to‘liq siklini mustaqil o‘ting:
Buyurtma → Qo‘llash → Agregatsiya → Jo‘natma

Yo‘l: Ma’lumotlar markazi / Tizimda test rejimida ishlash